SSKA futbolchisi Abbosbek Fayzullayev yulduzlik kasali xavfi bormi degan savolga javob berdi. Shuningdek, u shaxsiy o‘yindan ko‘ra jamoa yutuqlarini birinchi o‘ringa qo‘yishini aytib, "harbiylar" klubi muxlislariga murojaat qildi.

"Menga gol urish juda yoqadi, lekin assistentlik ham qiziqarli. Asosiysi, mening maydondagi harakatlarim SSKAning g‘alabasiga yordam berishi kerak. G‘alaba qozonish juda muhim, chunki biz imkon qadar tez-tez muxlislarimizni xursand qilishni xohlaymiz. Men ularga qo‘llab-quvvatlaganliklari uchun katta rahmat aytmoqchiman. Bu juda ko‘p yordam beradi. Bizni qo‘llab-quvvatlashda davom eting va "Krasnodar" bilan o‘yinga keling. Ollohim g‘alaba qozonishimizni nasib etsin.

Savolingizning ikkinchi qismiga to‘liq ishonch bilan javob bera olaman: menda hech qachon yulduzlik kasali bo‘lmaydi. Nega men bunga shunchalik aminman? Amakim menga hamisha kamtar bo‘lishni, o‘z ustimda ishlashni to‘xtatmaslikni o‘rgatdi. Faqat shu holatdagina xohlagan narsangizga erishishim mumkinligini tushuntirdi. Men bu so‘zlarni doim eslayman va ularni juda muhim deb bilaman", - dedi hamyurtimiz Bobsoccer bilan suhbatda.