Yarim himoyachi Sandro Tonali noqonuniy pul tikish qoidalarini buzgani uchun o‘n oyga diskvalifikasiya qilindi. Italiya futbol federasiyasi rahbari Gabriele Gravina Tonali sakkiz oy davomida qimor o‘yinlariga qaramlikdan davolanishi va kamida 16 marta omma oldida chiqish qilishi kerakligini e’lon qildi.
Tonali avvalroq "Milan" futbolchisi bo‘lganida pul tikganini tan olgandi. Yozgi transfer oynasida yarim himoyachi Angliyaning "Nyukasl" klubiga o‘tdi.
Chetlatilish sababli Tonali avgust oyi oxirigacha "Nyukasl"da o‘ynay olmaydi. Agar Italiya terma jamoasi yetib borsa, futbolchi Yevro-2024ni ham o‘tkazib yuboradi.