Ярим ҳимоячи Сандро Тонали ноқонуний пул тикиш қоидаларини бузгани учун ўн ойга дисквалификация қилинди. Италия футбол федерацияси раҳбари Габриэле Гравина Тонали саккиз ой давомида қимор ўйинларига қарамликдан даволаниши ва камида 16 марта омма олдида чиқиш қилиши кераклигини эълон қилди.
Тонали аввалроқ "Милан" футболчиси бўлганида пул тикганини тан олганди. Ёзги трансфер ойнасида ярим ҳимоячи Англиянинг "Ньюкасл" клубига ўтди.
Четлатилиш сабабли Тонали август ойи охиригача "Ньюкасл"да ўйнай олмайди. Агар Италия терма жамоаси етиб борса, футболчи Евро-2024ни ҳам ўтказиб юборади.