Kloppning "Enfild"dagi 7 mavsumi oralig‘ida birinichi marta "Liverpul" Chempionlar ligasiga chiqa olmadi. O‘tgan mavsumda chempionat doirasida 9 ta mag‘lubiyat qayd etgan klubning muvaffaqiyatsizliklariga asosiy sabab sifatida yarim himoya deya ko‘rsatilgan. Muxlislar va mutaxassislarning fikriga ko‘ra yangilanishi kerak bo‘lgan pozisiya aynan yarim himoya chizig‘i.

Jamoa sardori Jordan Xenderson, ikki tajribali Tyago Aolkantara va Fabinyo kabi futbolchilardan iborat trio qanday qilib uchta quyi ligaga tushib ketayotgan klub: "Vulvz", "Bretnford" va "Lids"dan mag‘lub bo‘lishi mumkin?

Buning asosiy sababi, "qizillar" 2021/22 yilgi mavsumda 63 ta o‘yin o‘tkazib, chempion "Manchester Siti"dan bir ochko ortda qolib, Liga Kubok va Anliya Kubogi finallarida "Chelsi"ni mag‘lub etib titul qo‘lgan kiritgani. Futbolchilar 3 yoki 4 ta front uchun kurashda ancha toliqqani asosiy sabablardan biri.

"Tarkibning yangilanishi qiyin holatligiga ishonchim komil emas, lekin buning o‘ziga xos qiyinchiligi ham bor. Bu shartnomamni yangilashga asosiy sabablardan biridir. Bunga ko‘p vaqt talab qilishini ham bilaman", - deydi Klopp mavsum oralig‘ida.

Hech kim o‘zgarishlarni bu qadar tez sodir bo‘lishini kutmagandi. Mos ravishda Aleksis Makallister va Dominik Soboslai 35 hamda 60 million yevroga sotib olindi.

Avvaliga bu duyet mersisaydliklar yarim himoyasining asosini tashkil qiladi deya o‘ylangandi. Ayniqsa, Tyago, Xenderson va Fabinyo qabilar bilan ajoyib ko‘rinish hosil qilishi kutilgandi. Ammo avgust oyida Xenderson va Fabinyo Saudiyaga ketishga qaror qildi. Ularning ketishi "Liverpul" yarim himoyasidagi bo‘shliqni ochib berdi.

"Qizillar"ning yangi sport direktori Yorg Shmatdke "Chelsi"ni tanlagan Moyses Kaysedo va Romeo Laviya transferini mavaffaqiyatsiz yakunladi. Shu sababdan liverpulliklar yaponiyalik yarim himoyachi Vataru Endoni "Shtutgart"dan 16.2 million funtga sotib oldi, ammo mavsum oldidan ko‘pchilik tomonidan qoralandi.

Lekin bu yo‘qotishlar jamoaning yangi mavsum startiga uncha katta ta’sir ko‘rsatmadi. Klub "Tottenxem"gacha bo‘lgan o‘yingacha g‘alabali seriya qayd etdi.

Yangi kelganlar orasida "Leypsig"dan sotib olingan Dominik Soboslai o‘zini ko‘rsatishga va jamoa bilan moslashishga uncha ko‘p vaqt talab qilmadi. U tezda jamoadoshlari bilan til topisha oldi. Vengriya termasi yetakchisi o‘zining harakteri bilan u asosiy tarkibdan tez joy oldi.

Futbolchi "Aston Villa" va "Lester"ga qarshi o‘yinlarda raqiblar darvozasini ishg‘ol qildi. Dominik asosan uzoqdan aniq va xavfli zarbalar yo‘llab jamoasining goliga mualliflik qiladi. Vengriyalik iqtidorning uzoqdan gol urish qobiliyati Kloppga avvalgi ishonchni qaytardi, ayniqsa, 2018 yil yanvarida Felipe Koutinyo ketganidan beri.

"Liverpul"ning ayni damdagi tarkibi 2015-2018 yillardagi tarkibiga o‘xshab ketadi. Sababi, o‘shanda "qizillar" yarim himoyasi nisbatdan ekrin o‘ynardi va ko‘proq gollar urib turardi. Shuningdek, 2018-2020 yillarda Virjil Van Deyk, Alisson va Fabinyo kabilar bilan shartnoma imzolanishi klubning tarkibini ancha optimallashtirdi.

Ko‘pchilik tomonidan hozirgi "Liverpul"ni "Liverpul 2.0" versiyasi deb bilmoqda. Bunda Soboslai, Makallister va Rayan Gravenberx kabilar, yana Kertis Jons hamda Xarvi Elliot kabi futbolchilar ham gol urish borasida kam emas. Ayni vaqtdagi "qizillar"ning yangilangan yarim himoyasi ijobiy ko‘rinmoqda.

Mersisaydlilar Fabinyoning o‘rnini Kaysedo va Laviya bilan to‘ldirmoqchi bo‘ldi, ammo oxir-oqibat Vataru Endo transferi bilan cheklandi xolos. Yaponiyalik futbolchi hozircha, Yevropa Ligasi va Liga Kubogi doirasida maydonga tushirildi.

"Biz hali Endo uchun eng yaxshi pozisiyani topa bilmadik, ammo u bizga ancha yordam bera oladi. U fantastik o‘yinchi, taktik jihatdan juda aqlli va maydondan tashqarida ham o‘zini yaxshi tutadi", - dedi Klopp.

Ammo tayanch zonasida Makallister ancha agressiv o‘yinlari bilan yodda qolmoqda. Argentinalik futbolchi "Brayton"da, De Zerbi qo‘l ostida bo‘lgani kabi ancha erkinroq o‘ynashga intilyapti.

Makallister tayanch yarim himoya chizig‘ida o‘zini ko‘rsata olmayapti, sababi unga tezlik birmuncha yetishmayotgandek. Futbolchi himoyachilarga yordamga kelishga kechikmoqda. Balki, Klopp uni oldiroqqa sursa bo‘lar. Ya’ni yarim himoyaning oldingi chizig‘ida.

Umuman olganda, ayni vaqtdagi Makallister va Soboslai tandemi ijobiy natija qayd etmoqda. Ammo Klopp yanada yarim himoyadagi kamchiliklarni yopishga urinib ko‘rishi tayin. Buyog‘ini vaqt ko‘rsatadi. Ko‘ramiz, kuzatamiz...