«Manchester Yunayted» bosh murabbiyi Ten Xag «Manchester Siti»ga qarshi bo‘lib o‘tadigan o‘yin haqidagi fikrlari bilan o‘rtoqlashdi.

Manchester derbisi yakshanba kuni 19:30da bo‘lib o‘tadi. «Shaharliklar» hozirda 21 ochko bilan APL turnir jadvalida ikkinchi o‘rinda, sakkizinchi o‘rindagi «Yunayted»da esa 15 ochko bor.

«Bu nihoyatda muhim o‘yin bo‘ladi, lekin nafaqat shahar, balki butun futbol olami uchun – butun dunyo e’tibori ushbu o‘yinga qaratiladi.

Biz «Manchester Siti»dan olti ochkoga ortda qolyapmiz, yetib olishimiz kerak. Biz rivojlanishimiz va yaxshiroq bo‘lishimiz kerakligini bilamiz. Ko‘p komponentlar ustida ishlash kerak», - dedi Ten Xag o‘yinoldi matbuot anjumanida.