"Bavariya" hujumchisi Xarri Keyn "Tottenxem"ning joriy mavsumdagi yutuqlaridan mamnun.
"Shporlar" tarixidagi eng yaxshi to‘purar yozda jamoani tark etib, Germaniyaga ko‘chib o‘tdi. Asosiy futbolchisini yo‘qotganiga qaramay, londonliklar mavsumni o‘ta ishonchli boshlashdi – o‘n turdan keyin APL turnir jadvalida peshqadamlik qilishmoqda.
"Bavariya"ning "Darmshtadt"ga qarshi o‘yinidan so‘ng jurnalistlar Keyndan hozirgi va sobiq klublarining chempionlik imkoniyatlarini qanday baholashini so‘rashdi: "Ko‘ramiz, oldinda uzoq yo‘l bor. Albatta, ingliz futbolida bo‘layotgan voqealarni kuzatib boraman. "Bavariya" birinchi o‘rinda, "Tottenxem" ham birinchi o‘rinda, hozircha ishlar juda yaxshi ketmoqda", - dedi forvard.
