"Бавария" ҳужумчиси Харри Кейн "Тоттенхэм"нинг жорий мавсумдаги ютуқларидан мамнун.
"Шпорлар" тарихидаги энг яхши тўпурар ёзда жамоани тарк этиб, Германияга кўчиб ўтди. Асосий футболчисини йўқотганига қарамай, лондонликлар мавсумни ўта ишончли бошлашди – ўн турдан кейин АПЛ турнир жадвалида пешқадамлик қилишмоқда.
"Бавария"нинг "Дармштадт"га қарши ўйинидан сўнг журналистлар Кейндан ҳозирги ва собиқ клубларининг чемпионлик имкониятларини қандай баҳолашини сўрашди: "Кўрамиз, олдинда узоқ йўл бор. Албатта, инглиз футболида бўлаётган воқеаларни кузатиб бораман. "Бавария" биринчи ўринда, "Тоттенхэм" ҳам биринчи ўринда, ҳозирча ишлар жуда яхши кетмоқда", - деди форвард.
