“Liverpul” vingeri Luis Diasning ota-onasi Kolumbiya shimolida o‘g‘irlab ketildi, deb xabar bermoqda Reuters mamlakat prokurori matbuot xizmatiga tayanib.
Qayd etilishicha, futbolchining onasi deyarli darhol qutqarilgan. Ayni paytda uning otasini qidirish davom etmoqda. Mahalliy polisiya ma’lumotlariga ko‘ra, uni motosiklda olib ketishgan.
Daily Mail nashrining yozishicha, Diasning ota-onasi futbol o‘yinini tomosha qilayotganda motosiklga majburan o‘tirishgan bo‘lishi mumkin.
The Wall Street Journal nashrining yozishicha, Kolumbiya shimolidagi Barrankas shahridagi yoqilg‘i quyish shoxobchasida 26 yoshli kolumbiyalik yigitning ota-onasi ikki kishi tomonidan o‘g‘irlab ketilgan.