“Ливерпуль” вингери Луис Диаснинг ота-онаси Колумбия шимолида ўғирлаб кетилди, деб хабар бермоқда Reuters мамлакат прокурори матбуот хизматига таяниб.
Қайд этилишича, футболчининг онаси деярли дарҳол қутқарилган. Айни пайтда унинг отасини қидириш давом этмоқда. Маҳаллий полиция маълумотларига кўра, уни мотоциклда олиб кетишган.
Daily Mail нашрининг ёзишича, Диаснинг ота-онаси футбол ўйинини томоша қилаётганда мотоциклга мажбуран ўтиришган бўлиши мумкин.
The Wall Street Journal нашрининг ёзишича, Колумбия шимолидаги Барранкас шаҳридаги ёқилғи қуйиш шохобчасида 26 ёшли колумбиялик йигитнинг ота-онаси икки киши томонидан ўғирлаб кетилган.
