Yarim himoyachi Kalvin Fillips qishki transfer oynasida "Manchester Siti"ni tark etmoqchi, chunki u ko‘proq o‘yin vaqtini olmoqchi. Defence Central xabariga ko‘ra, 27 yoshli futbolchi uchun "Real Madrid" kurashga kirishgan.
Qayd etilishicha, Fillips xizmatlarini "Real"ga futbolchining vakillari taklif qilishgan. Madridliklar angliyalik futbolchini 50 million yevro evaziga sotib olishni ko‘rib chiqishi mumkin.
Aytish joizki, mish-mishlar Kalvin Fillipsni bir qator klublar, jumladan, «Bavariya» va «Yuventus» bilan bog‘laydi.
2023/2024 yilgi mavsumda Fillips “Manchester Siti”ning atigi oltita uchrashuvida qatnashib, jami 168 daqiqani maydonda o‘tkazdi.