O‘zbekiston futbol assosiasiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi.
Superliga
“So‘g‘diyona” — “Andijon”
Superliganing 22-turi doirasidagi “So‘g‘diyona” — “Andijon” uchrashuvining 90+5-daqiqasida “Andijon” futbol klubi futbolchisi F. Sohibjonov to‘p uchun kurashish vaqtida oyog‘ining tag qismi bilan raqib o‘yinchisining to‘pig‘iga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Farxodjon Sohibjonovga (Andijon) nisbatan 3 ta o‘yinga chetlashtirish intizom chorasi qo‘llanildi.
“So‘g‘diyona” — “Andijon”
Superliganing 22-turi doirasidagi Uchrashuv yakunlangandan so‘ng, “So‘g‘diyona” futbol klubi futbolchisi E. Orifov bosh hakam sha’niga xaqoratli so‘zlar ishlatgani qayd qilingan.
Tartib-intizom qo‘mitasining qaroriga ko‘ra, Elyor Orifovga ("So‘g‘diyona") nisbatan 3 ta o‘yinga chetlashtirish va jarima intizom chorasi qo‘llanildi.
“Olimpik” — “Bunyodkor”
Superliganing 22-turi doirasidagi “Olimpik” — “Bunyodkor” uchrashuvining 8-daqiqasida “Bunyodkor” futbol klubi futbolchisi S. Izzatov to‘p uchun kurashish vaqtida oyog‘ining tag qismi bilan raqib o‘yinchisini to‘piq qismini qasddan bosib olgani uchun maydondan chetlashtirilgan.
Tartib-intizom qo‘mitasining qaroriga ko‘ra, Suxrob Izzatovga ("Bunyodkor") nisbatan 3 ta o‘yinga chetlashtirish intizom chorasi qo‘llanildi.
“Metallurg” — “Buxoro”
Superliganing 22-turi doirasidagi “Metallurg” — “Buxoro” uchrashuvining 8-daqiqasida “Metallurg” futbol klubi futbolchisi I. Shayqulov to‘p uchun kurashish vaqtida oyog‘ining tag qismi bilan raqib o‘yinchisining oyoq qismiga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Iskandar Shayqulovga ("Metallurg") nisbatan 2 ta o‘yinga chetlashtirish intizom chorasi qo‘llanildi.
“Metallurg” — “Buxoro”
Superliganing 22-turi doirasidagi “Metallurg” — “Buxoro” uchrashuvining 39-daqiqasida “Buxoro” futbol klubi futbolchisi M. Jo‘raboyev to‘p uchun kurashish vaqtida oyog‘i bilan raqib o‘yinchisining yuz qismiga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Maxmud Jo‘raboyevga ("Buxoro") nisbatan 2 ta o‘yinga chetlashtirish intizom chorasi qo‘llanildi.
