Nanining fikricha, «Manchester Yunayted» futbolchilariga kuchli iroda yetishmaydi.

Kecha «Manchester Yunayted» Angliya liga kubogi doirasida «Nyukasl»ga 0:3 hisobida mag‘lub bo‘ldi.

«Manchester Yunayted» joriy mavsumda o‘tkazgan 15 o‘yinning 8 tasida mag‘lub bo‘ldi - bu 1962 yildan beri hali sodir bo‘lmagan edi.

Shuningdek, «Manchester Yunayted» 1930/31 yilgi mavsumdan buyon ilk bor 10 ta uyindan 5 tasida maglubiyatga uchradi.

«Biz «Manchester Yunayted»da o‘ynaganimizda, klubning o‘ziga xos xususiyatlaridan biri shu ediki, o‘yin tugashiga 10 daqiqa qolganida uch marta gol urishing mumkin edi, o‘shanda ruhning kuchi qanday ekanini ko‘rasan. O‘shanda gap iqtidor haqida emas, balki to‘pni darvozaga kiritish haqida ketgan. Biz kerakli hamma narsani qilganmiz.

Hozirda «Manchester Yunayted»ning o‘yinlarini tomosha qilar ekansiz, ko‘plab iqtidorli futbolchilarni ko‘rishingiz mumkin, balki bizning davrdagidan ham ko‘proq – texnik jihatdan ularning barchasi iste’dodli.

Ammo o‘yinda fidoyilik, jangovar ruh yo‘q... Haqiqiy futbolchi, Manchester yulduzi o‘yinni o‘zgartirishi kerak – buni qilmasangiz, hech narsa bo‘lmaydi», dedi «Manchester Yunayted»ning sobiq futbolchisi.