«Liverpul» bosh murabbiyi Yurgen Klopp jamoa hujumchisi Muhammad Salohning Saudiya Arabistoni chempionatiga transfer qilinishi mumkinligi haqidagi xabarlarga o‘z munosabatini bildirdi.

«U hech qachon yonimga kelib, jamoada ketishni istayotganini aytmagan. Bu haqda bir soniya ham o‘ylamagan.

Futbolchiga bo‘layotgan takliflar haqida hech narsa bilmayman. Bu esa muhim emas. Muhimi — Muhammad biz bilan», – dedi Klopp.

Xabarlarga qaraganda, «Al-Ittihod» klubi avgust oyi so‘ngida Saloh uchun «Liverpul»ga 100 million funt va qo‘shimcha bonuslar taklif qilgan. Ammo mersisaydliklar bu taklifga rad javobini berishdi.

Saloh «Oltin to‘p» sovrin uchun o‘tkazilgan so‘rovnomada 11-o‘rinni egalladi. Futbolchi o‘tgan mavsumda barcha musobaqalar doirasida 51 ta o‘yinda ishtirok etib, 30 gol va 16 assist muallifiga aylandi.