«Manchester Yunayted» yarim himoyachisi va sardori Brunu Fernandesh so‘nggi paytlarda ko‘p tanqidlarga uchragan jamoadoshi Xarri Maguayr haqida gapirdi.
«U maydonda juda yaxshi harakat qiladi, Xarri haqiqatan ham hurmatga loyiq. Umid qilamanki, u o‘z darajasida qolib, munosib futbol ko‘rsata oladi», - deya Fernandeshning so‘zlarini keltiradi jurnalist Fabrisio Romano ijtimoiy tarmoqda.
Eslatib o‘tamiz, portugaliyalikdan avval Angliya terma jamoasi futbolchisi «qizil iblislar» sardori bo‘lgandi.
Joriy mavsumda Maguayr barcha musobaqalarda sakkizta o‘yinda qatnashib, bitta gol urdi va jamoadoshlariga bitta golli uzatma berdi.
