«Манчестер Юнайтед» ярим ҳимоячиси ва сардори Бруну Фернандеш сўнгги пайтларда кўп танқидларга учраган жамоадоши Харри Магуайр ҳақида гапирди.
«У майдонда жуда яхши ҳаракат қилади, Харри ҳақиқатан ҳам ҳурматга лойиқ. Умид қиламанки, у ўз даражасида қолиб, муносиб футбол кўрсата олади», - дея Фернандешнинг сўзларини келтиради журналист Фабрицио Романо ижтимоий тармоқда.
Эслатиб ўтамиз, португалияликдан аввал Англия терма жамоаси футболчиси «қизил иблислар» сардори бўлганди.
Жорий мавсумда Магуайр барча мусобақаларда саккизта ўйинда қатнашиб, битта гол урди ва жамоадошларига битта голли узатма берди.
