"Liverpul" darvozaboni Alisson jamoadoshi Luis Diasni qo‘llab-quvvatladi.
Luisning otasi va onasini 28 oktyabr kuni to‘rt nafar qurolli kishi motosiklda o‘g‘irlab ketishgandi. Diasning onasi ertasi kuni ozod qilindi, otasining taqdiri noma’lumligicha qolmoqda.
5 noyabr kuni Dias APL 11-turidan o‘rin olgan "Luton"ga (1:1) qarshi o‘yinda zaxiradan maydonga tushdi va gol urdi va bu bilan "Liverpul"ga mag‘lubiyatdan qutulib qolish imkonini berdi. Bu futbolchining ota-onasi o‘g‘irlab ketilganidan keyin maydonga birinchi marta tushishi edi.
"Bu uning xarakteri va ichki kuchi haqida ko‘p narsani aytadi. U nimalarni boshdan kechirayotganini tasavvur qila olmayman. Biz uni qo‘llab-quvvatlaymiz va uning dardini baham ko‘ramiz, lekin u uchun bu boshqa darajada. Futbol qiyinchiliklarga duch kelganlarga quvonch keltirishi mumkin. Hozirda futbol Luisga quvonch baxsh etadi.
U biz uchun ajoyib gol urdi, bu juda muhim edi. Maydonda siz o‘z ishingizga e’tibor qaratasiz. U buni biz uchun qildi", — dedi Alisson BBC bilan suhbatda.
