"Real Madrid"ning sobiq hujumchisi, hozirda "Kastilya" ustozi Raul Gonsales "qirollik klubi"dagi debyut mavsumini ajoyib boshlagan yarim himoyachi Jud Bellingemning o‘yini haqida fikr bildirdi.
Angliyalik yarim himoyachining hisobida barcha musobaqalarda 13 ta gol bor, shulardan 10 tasi Ispaniya La Ligasida kiritilgan.
"Bellingemning debyuti meni hayratda qoldirdi, men uni avval ham bilardim, lekin uni yaqindan ko‘rish va nimaga erishganini ko‘rish aql bovar qilmaydi. Men bir xil yoshdagi futbolchilarga murabbiylik qilaman, lekin Jud ko‘p jihatdan yaxshiroq" - dedi Gonsales Relevo nashriga.
Bellingem yozda Dortmundning "Borussiya" klubidandan 103 million yevro evaziga "Real"ga o‘tgan edi.