"Реал Мадрид"нинг собиқ ҳужумчиси, ҳозирда "Кастилья" устози Рауль Гонсалес "қироллик клуби"даги дебют мавсумини ажойиб бошлаган ярим ҳимоячи Жуд Беллингемнинг ўйини ҳақида фикр билдирди.

Англиялик ярим ҳимоячининг ҳисобида барча мусобақаларда 13 та гол бор, шулардан 10 таси Испания Ла Лигасида киритилган.

"Беллингемнинг дебюти мени ҳайратда қолдирди, мен уни аввал ҳам билардим, лекин уни яқиндан кўриш ва нимага эришганини кўриш ақл бовар қилмайди. Мен бир хил ёшдаги футболчиларга мураббийлик қиламан, лекин Жуд кўп жиҳатдан яхшироқ" - деди Гонсалес Relevo нашрига.

Беллингем ёзда Дортмунднинг "Боруссия" клубидандан 103 миллион евро эвазига "Реал"га ўтган эди.