Aralash juftliklar bo‘yicha 2020 yilgi Olimpiada chempioni, dunyoning beshinchi raqamli tennischisi Andrey Rublyov o‘z karyerasidagi mukofot pullari bo‘yicha 20 million dollarlik dovondan oshdi.
U faoliyati davomida 20 146 588 dollar ishlab oldi. Rossiyalik tennischi ATP tarixida bu marraga erishgan 30-o‘yinchi bo‘ldi va 1997 yoki undan keyin tug‘ilgan bu boradagi to‘rtinchi tennischi bo‘ldi.
1997 va undan keyin tug‘ilgan tennischilar orasida bu ko‘rsatkichga Aleksandr Zverev (36 724 367 dollar), Stefanos Sisipas (27 743 896 dollar) va Karlos Alkaras (21 477 574 dollar) erishgan.
Mukofot jamg‘armasi bo‘yicha yetakchi serbiyalik Novak Jokovich, dunyoning birinchi raqamli tennischisi, uning nomida 176 231 562 dollar pul bor.
Bundan tashqari, Jokovich joriy mavsumda eng ko‘p pul ishlab topgan. U 11 540 253 dollar bilan birinchi o‘rinda, ikkinchi o‘rinni ispaniyalik Karlos Alkaras egalladi – 9 647 931 dollar, kuchli uchlikni rossiyalik Daniil Medvedev yakunlab, 8 134 179 dollarlik ko‘rsatkichni qayd etdi.
