OCHL guruh bosqichi, 4-tur doirasidagi «Sepaxon» — OKMK (9:0) uchrashuvidan so‘ng olmaliqlar bosh murabbiyi matbuot anjumanida ishtirok etdi.

"Avvalambor, barchaga Assalomu alaykum! «Sepaxon» jamoasini haqli ravishda g‘alabaga erishgani bilan tabriklayman. O‘ziga yarasha muammolarimiz yetarli edi va bu narsa bugungi o‘yinda yaqqol ko‘rindi. Qolaversa, o‘yinchimizning chetlatilishi ham o‘yinga o‘z ta’sirini ko‘rsatdi.

- Jamoangiz birinchi bo‘limda raqibga qarshi yaxshi o‘yin namoyish etgandi. Ikkinchi taymda esa biz boshqacha jamoani ko‘rdik. Buning sababi nimada?

- Savol uchun rahmat. To‘g‘risini aytadigan bo‘lsam, o‘zim ham nimaga bunday bo‘lganini tushunmay qoldim. Ikkinchi bo‘limda o‘tkazib yuborgan golimiz qaysidur ma’noda o‘z so‘zini aytdi va ketma-ket «rekoshet» gollar o‘yin tizginini butunlay o‘zgartirib yubordi.

- Ushbu natija sizning faoliyatingizdagi eng yomoni bo‘ldi desak ham bo‘ladi. Shu haqda fikrlaringiz?

- Bu futbolda uchrab turadi. Lekin, to‘g‘ri ta’kidladingiz bu faoliyatimdagi birinchisi.