"Barselona" himoyachisi Jyul Kunde Chempionlar ligasi guruh bosqichi 4-turi doirasidagi "Shaxtyor"ga qarshi bo‘lib o‘tadigan o‘yindan oldingi fikrlari bilan o‘rtoqlashdi.
"Biz ustida ishlashimiz kerak bo‘lgan narsa borligini bilamiz, lekin umuman hammasi yaxshi. Biz g‘alaba qozonishni istaymiz, chunki bu juda muhim o‘yin va o‘zimizning eng yaxshi tomonlarimizni ko‘rsatishni istaymiz. Agar biz ularga bosim o‘tkazmasak, "Shaxtyor" to‘p bilan ishonchli tarzda o‘ynaydi. Birinchi o‘yinda uchrashuvning oxirini yomon o‘tkazdik. Butun o‘yin davomida yaxshi o‘ynashga harakat qilamiz", - dedi Kunde UYEFA rasmiy saytiga.
