"Барселона" ҳимоячиси Жюль Кунде Чемпионлар лигаси гуруҳ босқичи 4-тури доирасидаги "Шахтёр"га қарши бўлиб ўтадиган ўйиндан олдинги фикрлари билан ўртоқлашди.
"Биз устида ишлашимиз керак бўлган нарса борлигини биламиз, лекин умуман ҳаммаси яхши. Биз ғалаба қозонишни истаймиз, чунки бу жуда муҳим ўйин ва ўзимизнинг энг яхши томонларимизни кўрсатишни истаймиз. Агар биз уларга босим ўтказмасак, "Шахтёр" тўп билан ишончли тарзда ўйнайди. Биринчи ўйинда учрашувнинг охирини ёмон ўтказдик. Бутун ўйин давомида яхши ўйнашга ҳаракат қиламиз", - деди Кунде УЕФА расмий сайтига.
