"Bavariya" hujumchisi Xarri Keyn Chempionlar ligasi guruh bosqichining 4-turida "Galatasaroy" ustidan qozonilgan g‘alaba (2:1) haqida fikr bildirdi.
"Bu qiyin o‘yin. Lekin aynan shunday o‘yin biz kutgan edi. Safardagi o‘yin ham xuddi shunday kechdi. O‘ylaymanki, bu safar o‘yinni yaxshiroq nazorat qildik. Ayniqsa, birinchi yarmida. Raqib darvozasiga yaqinlashishga muvaffaq bo‘ldik, yagona narsa - yakuniy pas yoki zarba. Biz tanaffusdan keyin bu sur’atni saqlab qolishimiz kerakligini bilardik", - dedi Keyn UYEFA matbuot xizmatiga.
“Bavariya” 12 ochko jamg‘arib, “A” guruhidan pley-offga chiqishni kafolatladi. “Galatasaroy” 4 ochko bilan 3-o‘rinda bormoqda.