Madridning «Real» klubi «Santos» hujumchisi Markos Leonardoga qiziqish bildirmoqda.

Globo Esporte xabariga ko‘ra, madridliklar 20 yoshli braziliyalik futbolchining agentlari bilan bog‘lanib, u haqida dastlabki ma’lumotlar, jumladan, Yevropaga ko‘chib o‘tishga fundamental tayyorligi haqida ma’lumot olishgan. Bir necha kun oldin «Nyukasl» ham shunday qilgandi.

Hozircha bu klublarning hech biri futbolchiga taklif bilan chiqqani yo‘q, futbolchining o‘zi ham bor e’tiborini mavsumning yakuniy qismiga qaratgan.

«Santos» Leonardoga bo‘lgan 70% huquqlarga ega, qolganlari esa futbolchining o‘ziga tegishli. Klub rahbariyati 2024 yilda futbolchining transfer ehtimoli yuqori ekanligini bilishadi, ammo hozircha bu borada Yevropaning birorta klubi murojaat qilmagan.

2023 yilda Leonardo Braziliya ligasida 25 o‘yinda 13 ta gol urdi va jamoasining eng yaxshi to‘purari hisoblanadi.