Мадриднинг «Реал» клуби «Сантос» ҳужумчиси Маркос Леонардога қизиқиш билдирмоқда.
Globo Esporte хабарига кўра, мадридликлар 20 ёшли бразилиялик футболчининг агентлари билан боғланиб, у ҳақида дастлабки маълумотлар, жумладан, Европага кўчиб ўтишга фундаментал тайёрлиги ҳақида маълумот олишган. Бир неча кун олдин «Ньюкасл» ҳам шундай қилганди.
Ҳозирча бу клубларнинг ҳеч бири футболчига таклиф билан чиққани йўқ, футболчининг ўзи ҳам бор эътиборини мавсумнинг якуний қисмига қаратган.
«Сантос» Леонардога бўлган 70% ҳуқуқларга эга, қолганлари эса футболчининг ўзига тегишли. Клуб раҳбарияти 2024 йилда футболчининг трансфер эҳтимоли юқори эканлигини билишади, аммо ҳозирча бу борада Европанинг бирорта клуби мурожаат қилмаган.
2023 йилда Леонардо Бразилия лигасида 25 ўйинда 13 та гол урди ва жамоасининг энг яхши тўпурари ҳисобланади.
