"Portu"da to‘p tepayotgan eronlik hujumchi Mehdi Taremi Angliyaning top-klubi qiziqish doirasiga tushib qoldi, deb xabar beradi Deadlinedaylive.

"Manchester Yunayted" 31 yoshli hujumchini o‘z safiga qo‘shib olishni rejalashtirmoqda. Potensial transfer qiymati taxminan o‘n million yevroga baholanmoqda. O‘tish yanvar oyida bo‘lishi mumkin.

Mehdi Portugaliya jamoasida 2020 yilning avgustidan buyon o‘ynab kelmoqda. Uning mehnat shartnomasi kelasi yil yozida tugaydi.

Primeraning joriy mavsumida Taremi o‘nta o‘yin o‘tkazib, ikkita gol urdi (bittasi penaltidan) va bitta golli uzatmani amalga oshirdi.