"Порту"да тўп тепаётган эронлик ҳужумчи Меҳди Тареми Англиянинг топ-клуби қизиқиш доирасига тушиб қолди, деб хабар беради Deadlinedaylive.
"Манчестер Юнайтед" 31 ёшли ҳужумчини ўз сафига қўшиб олишни режалаштирмоқда. Потенциал трансфер қиймати тахминан ўн миллион еврога баҳоланмоқда. Ўтиш январь ойида бўлиши мумкин.
Меҳди Португалия жамоасида 2020 йилнинг августидан буён ўйнаб келмоқда. Унинг меҳнат шартномаси келаси йил ёзида тугайди.
Примеранинг жорий мавсумида Тареми ўнта ўйин ўтказиб, иккита гол урди (биттаси пенальтидан) ва битта голли узатмани амалга оширди.
