Istanbulning “Fenerbaxche” klubi kecha Konferensiyalar ligasida Bolgariyaning “Ludogores” jamoasiga imkoniyatni boy berdi – 0:2. Shu tariqa turk grandi joriy mavsumda yevrokuboklardagi ilk mag‘lubiyatini qabul qilib oldi.

Qizig‘i shundaki, bu "Fener" uchun 4-noyabrdan beri ketma-ket ikkinchi mag‘lubiyatli o‘yin - shu kuni jamoa Turkiya chempionati doirasida o‘z uyida "Trabzonspor"ga mag‘lub bo‘ldi - 2:3. Ammo bundan ham ajablanarlisi shundaki, bundan oldin "Fenerbaxche" ketma-ket 21 ta rasmiy o‘yinda g‘alaba qozongan - bu seriya o‘tgan mavsum oxirida boshlangan - 7 iyunda.

Kelayotgan dam olish kunlari “Fenerbaxche”ni Turkiya Superligasi doirasidagi uy uchrashuvida qiyin raqib – “Adana Demirspor” kutib turibdi. Uchrashuv 12 noyabrga belgilangan. Istanbulliklar hisobida 30 ochko bor va turnir jadvalida ikkinchi o‘rinda borayotgan bo‘lsa, “Galatasaroy” 31 ochko bilan birinchi o‘rinda bormoqda. “Adana Demirspor” 21 ochko bilan uchinchi o‘rinda joylashgan.