Истанбулнинг “Фенербахче” клуби кеча Конференциялар лигасида Болгариянинг “Лудогорец” жамоасига имкониятни бой берди – 0:2. Шу тариқа турк гранди жорий мавсумда еврокубоклардаги илк мағлубиятини қабул қилиб олди.
Қизиғи шундаки, бу "Фенер" учун 4-ноябрдан бери кетма-кет иккинчи мағлубиятли ўйин - шу куни жамоа Туркия чемпионати доирасида ўз уйида "Трабзонспор"га мағлуб бўлди - 2:3. Аммо бундан ҳам ажабланарлиси шундаки, бундан олдин "Фенербахче" кетма-кет 21 та расмий ўйинда ғалаба қозонган - бу серия ўтган мавсум охирида бошланган - 7 июнда.
Келаётган дам олиш кунлари “Фенербахче”ни Туркия Суперлигаси доирасидаги уй учрашувида қийин рақиб – “Адана Демирспор” кутиб турибди. Учрашув 12 ноябрга белгиланган. Истанбулликлар ҳисобида 30 очко бор ва турнир жадвалида иккинчи ўринда бораётган бўлса, “Галатасарой” 31 очко билан биринчи ўринда бормоқда. “Адана Демирспор” 21 очко билан учинчи ўринда жойлашган.
