"Al-Hilol" yana bir xorijlik futbolchini transfer qilish uchun Neymarni jarohati davomida liga ro‘yxatidan chiqarib yuboradi.
Noyabr oyi boshida 31 yoshli forvard xochsimon bog‘lami va meniskni shikastlab, operasiya qilingan edi. Braziliya futbol konfederasiyasi Neymar 2024 yilning iyun oyida bo‘lib o‘tadigan Amerika kubogi uchun maydonga qaytishi mumkin deb hisoblamoqda. Bungacha futbolchi 10 oyga safdan chiqqani xabar qilingandi.
“Al-Hilol” qishda chap qanot himoyasida xorijlik futbolchini qo‘lga kiritish uchun Neymarni jamoa o‘yinchisi sifatida ro‘yxatdan o‘tkazishni vaqtinchalik to‘xtatishga qaror qildi. Saudiya klubida hozirda barcha 8 o‘rin band.
Neymar "PSJ"dan o‘tganidan so‘ng "Al-Hilol" safida 1 ta gol urdi va 3 ta golli uzatmani amalga oshirdi.
