"Ал-Ҳилол" яна бир хорижлик футболчини трансфер қилиш учун Неймарни жароҳати давомида лига рўйхатидан чиқариб юборади.
Ноябрь ойи бошида 31 ёшли форвард хочсимон боғлами ва менискни шикастлаб, операция қилинган эди. Бразилия футбол конфедерацияси Неймар 2024 йилнинг июнь ойида бўлиб ўтадиган Америка кубоги учун майдонга қайтиши мумкин деб ҳисобламоқда. Бунгача футболчи 10 ойга сафдан чиққани хабар қилинганди.
“Ал-Ҳилол” қишда чап қанот ҳимоясида хорижлик футболчини қўлга киритиш учун Неймарни жамоа ўйинчиси сифатида рўйхатдан ўтказишни вақтинчалик тўхтатишга қарор қилди. Саудия клубида ҳозирда барча 8 ўрин банд.
Неймар "ПСЖ"дан ўтганидан сўнг "Ал-Ҳилол" сафида 1 та гол урди ва 3 та голли узатмани амалга оширди.
