"Atletiko Paranaense" hujumchisi Vitor Roke qishda "Barselona" safiga qo‘shiladi.

Kataloniya grandi shu yilning yozida braziliyalik futbolchini xarid qilishni yakunlagandi, biroq transfer "ko‘k anorranglilar"ning moliyaviy qiyinchiliklari tufayli 2024/25 yilgi mavsum boshlanishiga qoldirilishi mumkin. Sport xabariga ko‘ra, "Barselona" hozir Rokeni ro‘yxatdan o‘tkazish yanvar oyida yakunlanishiga ishonmoqda. Bundan tashqari, klub qishki transfer oynasida yangi himoyachini sotib olishni ham istisno etmayapti.

18 yoshli Vitor Rokening kelishuv qiymati bonuslarni hisobga olmaganda 40 million yevroga baholanmoqda. Joriy mavsumda forvard “Atletiko Paranaense” safida 42 ta o‘yinda maydonga tushib, 20 ta gol urdi.