"Атлетико Паранаэнсе" ҳужумчиси Витор Роке қишда "Барселона" сафига қўшилади.
Каталония гранди шу йилнинг ёзида бразилиялик футболчини харид қилишни якунлаганди, бироқ трансфер "кўк анорранглилар"нинг молиявий қийинчиликлари туфайли 2024/25 йилги мавсум бошланишига қолдирилиши мумкин. Sport хабарига кўра, "Барселона" ҳозир Рокени рўйхатдан ўтказиш январь ойида якунланишига ишонмоқда. Бундан ташқари, клуб қишки трансфер ойнасида янги ҳимоячини сотиб олишни ҳам истисно этмаяпти.
18 ёшли Витор Рокенинг келишув қиймати бонусларни ҳисобга олмаганда 40 миллион еврога баҳоланмоқда. Жорий мавсумда форвард “Атлетико Паранаэнсе” сафида 42 та ўйинда майдонга тушиб, 20 та гол урди.
