«Navbahor» Cuperliga 24-turi doirasida o‘z maydonida Toshkentning “Bunyodkor” klubini qabul qiladi.

O‘zbekiston chempionatlari tarixida ushbu jamoalar o‘zaro 35 marotaba kuch sinashishgan. O‘tkazilgan o‘yinlarning 21 tasida “Bunyodkor” “lochinlar”ni mag‘lubiyatga uchratgan. “Navbahor” esa  8 ta o‘yinda g‘alaba qozongan. Oltita uchrashuvda esa tomonlar o‘zaro durangga imzo chekishgan. To‘plar nisbatidagi ko‘rsatkich 65:33, “qaldirg‘ochlar” foydasiga.

O‘zaro o‘yinlarda “Bunyodkor” 69 ochko, “Navbahor” esa 30 ochkoni qo‘lga kiritgan.

Ushbu klublarning o‘zaro o‘yinlaridagi eng yirik hisob 2009 yili kuzatilgan. O‘sha yili Toshkentda bo‘lib o‘tgan bahsda “qaldirg‘ochlar” 6:0 hisobida g‘alaba qozonishgandi.

Mazkur jamoalar ishtirokidagi Namanganda bo‘lib o‘tgan 17 ta o‘yinning 7 tasida mezbonlar, 7 tasida esa mehmonlar zafar quchishgan. Uchta uchrashuvda  esa g‘olib aniqlanmagan. To‘plar nisbati – 26:19, “Bunyodkor” foydasiga.

Mazkur jamoalarning birinchi davrada Toshkentda bo‘lib o‘tgan bahsida jamoamiz yirik – 5:1 hisobida g‘alaba qozongandi.  

Eslatib o‘tamiz, “Navbahor” – “Bunyodkor” uchrashuvi 11 noyabr kuni Namangan shahridagi “Markaziy” stadionida soat 17:00 da start oladi.

Superliga. 24-tur
“NAVBAHOR” - “BUNYODKOR”
11 noyabr. Namangan. “Markaziy” stadioni. 17:00
Bosh hakam: Sultonmurod Abdurahmonov.
Qanot hakamlari: Islom Azimov, Sherzod A’zamov.
Zaxiradagi hakam: Sardor Ismatullayev.
VAR: Abdurashid Xudoyberganov.
AVAR: Anvar Marajabov.
Nazoratchi: Viktor Serazitdinov.
Komissar: Oybek Yunusov.