«Навбаҳор» Cуперлига 24-тури доирасида ўз майдонида Тошкентнинг “Бунёдкор” клубини қабул қилади.

Ўзбекистон чемпионатлари тарихида ушбу жамоалар ўзаро 35 маротаба куч синашишган. Ўтказилган ўйинларнинг 21 тасида “Бунёдкор” “лочинлар”ни мағлубиятга учратган. “Навбаҳор” эса  8 та ўйинда ғалаба қозонган. Олтита учрашувда эса томонлар ўзаро дурангга имзо чекишган. Тўплар нисбатидаги кўрсаткич 65:33, “қалдирғочлар” фойдасига.

Ўзаро ўйинларда “Бунёдкор” 69 очко, “Навбаҳор” эса 30 очкони қўлга киритган.

Ушбу клубларнинг ўзаро ўйинларидаги энг йирик ҳисоб 2009 йили кузатилган. Ўша йили Тошкентда бўлиб ўтган баҳсда “қалдирғочлар” 6:0 ҳисобида ғалаба қозонишганди.

Мазкур жамоалар иштирокидаги Наманганда бўлиб ўтган 17 та ўйиннинг 7 тасида мезбонлар, 7 тасида эса меҳмонлар зафар қучишган. Учта учрашувда  эса ғолиб аниқланмаган. Тўплар нисбати – 26:19, “Бунёдкор” фойдасига.

Мазкур жамоаларнинг биринчи даврада Тошкентда бўлиб ўтган баҳсида жамоамиз йирик – 5:1 ҳисобида ғалаба қозонганди.  

Эслатиб ўтамиз, “Навбаҳор” – “Бунёдкор” учрашуви 11 ноябрь куни Наманган шаҳридаги “Марказий” стадионида соат 17:00 да старт олади.

Суперлига. 24-тур
“НАВБАҲОР” - “БУНЁДКОР”
11 ноябрь. Наманган. “Марказий” стадиони. 17:00
Бош ҳакам: Султонмурод Абдураҳмонов.
Қанот ҳакамлари: Ислом Азимов, Шерзод Аъзамов.
Захирадаги ҳакам: Сардор Исматуллаев.
VAR: Абдурашид Худойберганов.
AVAR: Анвар Маражабов.
Назоратчи: Виктор Серазитдинов.
Комиссар: Ойбек Юнусов.