"Manchester Yunayted" bosh murabbiyi Erik ten Xag APLdagi dastlabki 50 ta o‘yin natijalariga ko‘ra klubning barcha murabbiylari orasida faxrli ikkinchi o‘rinni egallab turibdi.
“Qizil iblislar” niderlandiyalik mutaxassis qo‘l ostida ligadagi dastlabki 50 o‘yinda 96 ochko to‘plagan, bu Squawka reytingida uchinchi va to‘rtinchi o‘rinlarni egallab turgan Joze Mourinyo (95) va Lui van Gal (94) davridagidan ko‘p. Peshqadam afsonaviy Aleks Fergyuson bo‘lib qolmoqda, uning qo‘l ostida “Yunayted” berilgan o‘yinlarda 103 ochko to‘plagan.
Avvalroq Erik ten Xag 50 ta o‘yindan so‘ng 30 ta g‘alaba qozongan "Manchester Yunayted"ning birinchi murabbiyiga aylangani ta’kidlangan edi.
