«Bavariya» hujumchisi Xarri Keyn jamoadoshi Leroy Sanening joriy mavsumdagi o‘yini haqida o‘z fikri bilan o‘rtoqlashdi.

«Leroy, ehtimol, bu mavsumdagi eng yaxshi futbolchimiz. U ajoyib. Bugun ham, hisob 2:2 bo‘lganida u bizning yanada tepaga ko‘tarilishimizga yordam beradigan futbolchi ekanligini his qildik.

U o‘z mahorati tufayli biz uchun juda muhim futbolchiga aylangan. Bugun u menga yana ikkita golli uzatma berdi, bu ajoyib. Umid qilamanki, biz bu aloqani saqlab qolamiz», - dedi Keyn.