«Бавария» ҳужумчиси Харри Кейн жамоадоши Лерой Саненинг жорий мавсумдаги ўйини ҳақида ўз фикри билан ўртоқлашди.

«Лерой, эҳтимол, бу мавсумдаги энг яхши футболчимиз. У ажойиб. Бугун ҳам, ҳисоб 2:2 бўлганида у бизнинг янада тепага кўтарилишимизга ёрдам берадиган футболчи эканлигини ҳис қилдик.

У ўз маҳорати туфайли биз учун жуда муҳим футболчига айланган. Бугун у менга яна иккита голли узатма берди, бу ажойиб. Умид қиламанки, биз бу алоқани сақлаб қоламиз», - деди Кейн.