"Liverpul"ning o‘ng qanot himoyachisi Trent Aleksander-Arnold "Manchester Siti" yarim himoyachisi Rodrining o‘yiniga qoyil qolishini tan oldi.
25 noyabr kuni Yurgen Klopp shogirdlari Premyer-liga doirasida safarda "shaharliklar" bilan uchrashadi. "Siti" hozirda "Liverpul"dan atigi bir ochko oldinda borib, turnir jadvalida peshqadamlik qilmoqda.
"Siti o‘yinlarini ko‘rganimda doim Rodrini alohida kuzataman. Men uning o‘yiniga qoyil qolaman. U juda past baholanadi, ammo jamoada asosiy rolga ega. Yaqinda ko‘rganimizdek, Rodrisiz "Manchester Siti" bir xil emas. Bu uning ahamiyatini yana bir bor isbotladi.
Men doim shunday futbolchilarni kuzatib borishni yoqtirardim. Ular qatoriga Serxio Buskets, Xabi Alonso, Andrea Pirlo va Stiven Jerrardni ham kiritgan bo‘lardim", - deya Trentning so‘zlarini keltiradi Liverpool Echo.