"Ливерпуль"нинг ўнг қанот ҳимоячиси Трент Александер-Арнольд "Манчестер Сити" ярим ҳимоячиси Родрининг ўйинига қойил қолишини тан олди.
25 ноябрь куни Юрген Клопп шогирдлари Премьер-лига доирасида сафарда "шаҳарликлар" билан учрашади. "Сити" ҳозирда "Ливерпуль"дан атиги бир очко олдинда бориб, турнир жадвалида пешқадамлик қилмоқда.
"Сити ўйинларини кўрганимда доим Родрини алоҳида кузатаман. Мен унинг ўйинига қойил қоламан. У жуда паст баҳоланади, аммо жамоада асосий ролга эга. Яқинда кўрганимиздек, Родрисиз "Манчестер Сити" бир хил эмас. Бу унинг аҳамиятини яна бир бор исботлади.
Мен доим шундай футболчиларни кузатиб боришни ёқтирардим. Улар қаторига Серхио Бускетс, Хаби Алонсо, Андреа Пирло ва Стивен Жеррардни ҳам киритган бўлардим", - дея Трентнинг сўзларини келтиради Liverpool Echo.
