"Feyenoord" hujumchisi Santyago Ximenesga "Tottenxem" qiziqish bildirmoqda.

Meksikalik o‘z o‘yini bilan turli gigantlar, jumladan, Angliya Premyer-ligasining bir qancha vakillari e’tiborini tortdi. Taniqli insayder Fabrisio Romanoning yangilangan ma’lumotlariga ko‘ra, 22 yoshli forvardga asosiy da’vogarlardan biri "Tottenxem" hisoblanadi. "Shporlar" skautlari futbolchining o‘yinini o‘rganish uchun "Feyenoord" o‘yinlariga borishda davom etmoqda.

Santyago Ximenes joriy mavsumda 15 ta o‘yinda 15 ta gol va 3 ta golli uzatmani amalga oshirdi. Transfermarkt portali ma’lumotlariga ko‘ra, futbolchining narxi 40 million yevroni tashkil qiladi.