"Фейеноорд" ҳужумчиси Сантьяго Хименесга "Тоттенхэм" қизиқиш билдирмоқда.
Мексикалик ўз ўйини билан турли гигантлар, жумладан, Англия Премьер-лигасининг бир қанча вакиллари эътиборини тортди. Таниқли инсайдер Фабрицио Романонинг янгиланган маълумотларига кўра, 22 ёшли форвардга асосий даъвогарлардан бири "Тоттенхэм" ҳисобланади. "Шпорлар" скаутлари футболчининг ўйинини ўрганиш учун "Фейеноорд" ўйинларига боришда давом этмоқда.
Сантьяго Хименес жорий мавсумда 15 та ўйинда 15 та гол ва 3 та голли узатмани амалга оширди. Transfermarkt портали маълумотларига кўра, футболчининг нархи 40 миллион еврони ташкил қилади.
