Londonning "Chelsi" klubi darvozaboni Robert Sanchesning fikricha, uning jamoasi mavsum yakunida Chempionlar ligasiga yo‘l olishiga ishonishi mumkin.
12 turdan keyin "ko‘klar" 16 ochko bilan o‘ninchi o‘rinda bormoqda. To‘rtinchi o‘rinda borayotgan “Tottenxem” bilan oradagi farq o‘n ochkoga teng.
“Chempionlar ligasiga chiqish juda katta qiyinchilik, ammo bizda kerakli munosabat va ishonch bor. O‘yinimiz sifatini hisobga olsak, bunga erisha olamiz. O‘ylaymanki, agar biz muntazam ravishda yaxshilanish va ochko to‘plashda davom etsak, bu mumkin bo‘ladi", - deya ispaniyalik darvozabonning so‘zlarini keltiradi jurnalist Nizaar Kinsella.
