Лондоннинг "Челси" клуби дарвозабони Роберт Санчеснинг фикрича, унинг жамоаси мавсум якунида Чемпионлар лигасига йўл олишига ишониши мумкин.
12 турдан кейин "кўклар" 16 очко билан ўнинчи ўринда бормоқда. Тўртинчи ўринда бораётган “Тоттенхэм” билан орадаги фарқ ўн очкога тенг.
“Чемпионлар лигасига чиқиш жуда катта қийинчилик, аммо бизда керакли муносабат ва ишонч бор. Ўйинимиз сифатини ҳисобга олсак, бунга эриша оламиз. Ўйлайманки, агар биз мунтазам равишда яхшиланиш ва очко тўплашда давом этсак, бу мумкин бўлади", - дея испаниялик дарвозабоннинг сўзларини келтиради журналист Низаар Кинселла.
