“Napoli” hujumchisi Viktor Osimxen Londonning “Chelsi” klubiga o‘tadi. Jurnalist Nizar Kinsella xabariga ko‘ra, nigeriyalik forvard "Stemford Brij"ga o‘tishga tayyor.
Biroq Kinsellaning ta’kidlashicha, qishki transfer oynasida Osimxenni qo‘lga kiritish "Chelsi" uchun nihoyatda qiyin bo‘ladi. Katta ehtimol bilan, Maurisio Pochettino jamoasi “Napoli” bilan shartnomasi 2025 yilda tugaydigan futbolchining kelishuvini yakunlash uchun yozgacha kutishiga to‘g‘ri keladi.
Eslatib o‘tamiz, Osimxen joriy mavsumda "Napoli" rahbariyati bilan janjallashdi. Nigeriyalik futbolchi Italiya A seriyasida 6 ta gol urgan.
