“Наполи” ҳужумчиси Виктор Осимхен Лондоннинг “Челси” клубига ўтади. Журналист Низар Кинселла хабарига кўра, нигериялик форвард "Стемфорд Бриж"га ўтишга тайёр.
Бироқ Кинселланинг таъкидлашича, қишки трансфер ойнасида Осимхенни қўлга киритиш "Челси" учун ниҳоятда қийин бўлади. Катта эҳтимол билан, Маурисио Почеттино жамоаси “Наполи” билан шартномаси 2025 йилда тугайдиган футболчининг келишувини якунлаш учун ёзгача кутишига тўғри келади.
Эслатиб ўтамиз, Осимхен жорий мавсумда "Наполи" раҳбарияти билан жанжаллашди. Нигериялик футболчи Италия А сериясида 6 та гол урган.
