"Manchester Yunayted" yarim himoyachisi Kazemiro foydali taklif tushsa, sotib yuborilishi mumkin.

Matbuotda tarqalgan ma’lumotlarga ko‘ra, braziliyalik futbolchiga Saudiya Arabistoni chempionati vakillari qiziqish bildirmoqda. Jurnalist Aleks Krukning so‘zlariga ko‘ra, "Manchester Yunayted" jiddiy transfer bo‘yicha taklif tushsa, 31 yoshli yarim himoyachini sotish imkoniyatini jiddiy ko‘rib chiqishga tayyor.

Kazemiro "qizil iblislar" safiga 2022 yilning yozida kelib qo‘shilgan va "Real"dan 70,6 million yevro evaziga o‘tgan edi. Transfermarkt ekspertlarining fikricha, futbolchining hozirgi qiymati 40 million yevroni tashkil qiladi.