"Манчестер Юнайтед" ярим ҳимоячиси Каземиро фойдали таклиф тушса, сотиб юборилиши мумкин.
Матбуотда тарқалган маълумотларга кўра, бразилиялик футболчига Саудия Арабистони чемпионати вакиллари қизиқиш билдирмоқда. Журналист Алекс Крукнинг сўзларига кўра, "Манчестер Юнайтед" жиддий трансфер бўйича таклиф тушса, 31 ёшли ярим ҳимоячини сотиш имкониятини жиддий кўриб чиқишга тайёр.
Каземиро "қизил иблицлар" сафига 2022 йилнинг ёзида келиб қўшилган ва "Реал"дан 70,6 миллион евро эвазига ўтган эди. Transfermarkt экспертларининг фикрича, футболчининг ҳозирги қиймати 40 миллион еврони ташкил қилади.
