"Milan" yarim himoyachisi Ismael Bennaser jamoaning Chempionlar ligasidagi ambisiyalari haqida gapirdi.

Guruh bosqichining to‘rt turidan so‘ng Stefano Pioli shogirdlari kvartetda uchinchi o‘rinni egallab turibdi, ammo yuqorida joylashgan "Borussiya Dortmund" va "PSJ" "rossonerilar"dan atigi ikki va bir ochko oldinda.

“Biz Chempionlar ligasida shunchaki ishtirok etish faktidan qoniqish uchun o‘ynamayapmiz. Qolaversa, yarim final ta’mini his qilganingizda, yanada yuqoriga ko‘tarilish istagi sizni yengib o‘tadi - biz bu mavsumda bunga erishishga harakat qilamiz. Maqsadimiz shu, guruhda o‘ynash yoki chorak finalga chiqish bizga yetarli emas. Biz turnirda g‘alaba qozonishni xohlaymiz, lekin bilganimizdek, ko‘plab jamoalarning maqsadi bir", - dedi jarohatidan tiklanishni davom ettirayotgan Bennaser The National nashriga.