"Милан" ярим ҳимоячиси Исмаэл Беннасер жамоанинг Чемпионлар лигасидаги амбициялари ҳақида гапирди.
Гуруҳ босқичининг тўрт туридан сўнг Стефано Пиоли шогирдлари квартетда учинчи ўринни эгаллаб турибди, аммо юқорида жойлашган "Боруссия Дортмунд" ва "ПСЖ" "россонерилар"дан атиги икки ва бир очко олдинда.
“Биз Чемпионлар лигасида шунчаки иштирок этиш фактидан қониқиш учун ўйнамаяпмиз. Қолаверса, ярим финал таъмини ҳис қилганингизда, янада юқорига кўтарилиш истаги сизни енгиб ўтади - биз бу мавсумда бунга эришишга ҳаракат қиламиз. Мақсадимиз шу, гуруҳда ўйнаш ёки чорак финалга чиқиш бизга етарли эмас. Биз турнирда ғалаба қозонишни хоҳлаймиз, лекин билганимиздек, кўплаб жамоаларнинг мақсади бир", - деди жароҳатидан тикланишни давом эттираётган Беннасер The National нашрига.
